Home » , , , , , » Tupela meri winim kaunsil ileksen long Madang taun

Tupela meri winim kaunsil ileksen long Madang taun

Wanpela strongpela meri bilong toktok na tu soim wok bilong en long informal sekta, Freida Pomat i winim sit olsem kaunsil bilong wod 3 insait long Madang taun. Misis Pomat wantaim narapela meri Martina Barum i winim sia long Madang taun wod na rausim ol man husat i sanap pastaim. Win bilong Pomat i soim tru olsem em strongpela meri long sait long planti lain i save long em, bihain long em i daunim deputi taun meya bilong Madang,

Chris Tomongo na winim dispela sia long holim wok olsem kaunsila bilong wod 3 insait long Madang taun. Dispela win bilong dispela meri e mol lain bilong PNG Ilektrol Komisin long taim long kaunim i kolim namba wan taim tru long ol arapela wod insait long Madang taun.

Frieda em wanpela pikinini meri bilong wanpela papa bilong Markham nem bilong em Namus, na em i wok pastaim long Woks Dipatmen long Madang. Famili bilong Namus i save stap long Nu Taun long Tarangau Strit eria long bipo.

Frieda i marit long Manus provins na em i gat 5-pela pikinini na em i wok pastaim long pablik sevis na bihain i go mekim praivet wok bilong em yet na wanpela strongpela mausmeri long komyuniti em i stap long en long Madang taun. Frieda i tok olsem em i save yet taim em i putim nem long nominesen olsem em bai winim ileksen bilong kaunsil, na oltaim em i save prea tasol long Papa God i givim strong long em.

Em i tokaut bihain long dekleresen bilong en long las wik Tunde olsem bikpela plen bilong en nau em long bringim pawa na wara saplai i go long Gagasi setelmen insait long wod em i sanap long en. Win bilong Martina Barum long wod 2 i lukim dispela strongpela mausmeri i win long 140 vot abrusim man kenidet Derrick Manu. Gavana bilong Madang, Jim Kas husat i stap long taim bilong dekleresen i tok amamas long tupela meri na i tokaut tu long tingting bilong em olsem plen bilong gavman long putim 22 risev sit long palamen i no gutpela.

Dispela em bikos ol meri i ken soim strong bilong ol long winim ileksen na go makim pipel insait long palamen. [WantokNiuspepa]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us