Home » , , , , , , , , , , , » Indipenden Konsiuma na Kompetisen Komisin (ICCC) : Fiul i go Antapim

Indipenden Konsiuma na Kompetisen Komisin (ICCC) : Fiul i go Antapim

POT MOSBI - Indipenden Konsiuma na Kompetisen Komisin (ICCC) i tokaut pinis gen long prais bilong fiul, bensin, disel na kerosin i senis long mun Ogas. Dispela em toksave indipenden Konsiuma Kompetisen Komisin (ICCC) i kisim long interOil long ol fiul prais bilong ol bensin, disel na kerosin i kam insait long kantri. ICCC komisina, Dokta Billy Manoka i tok prais bilong ol tripela fiul long impot Pariti Prais (IPP) mak i bin go antap long dispela mun.

Dispela em i go wantaim namel prais bilong Min ov Plats Singapore (MOPS) prais we ol interOil i kisim long ol saplaia bilong ol long ovasi. Wantaim senis bilong prais long iPP, namel prais bilong ol fiul long olgeta senta long kantri bai senis bihainim hamas ol bai i peim long karim fiul kago i go i kam.

Nau i luk olsem bai prais long ol sevis stesin na fiul kampani bai sanap olsem: Bensin (petrol) bai i go antap 8.53 toea long wanpela lita, disel bai i go antap 8.23 toea long wanpela lita, kerosin prais bai i go antap 9.17 toea long wanpela lita. Fiul prais i go antap insait long kantri tu i bihainim bikpela kos bilong karim fiul long ol sip long nambtri kwota na tu mak bilong kina i wok long go daun na ol prais bilong krud wel i go antap yet long mun Julai 2013.

Dokta Manoka i tok klia olsem Komisen i save makim tasol holsel na ritel majin long wan wan yia, tasol iPP em i save kam wantaim projek agrimen bilong interOil iCCC i save was tu long ol prais bilong sip na rot kago insait long kantri, long olgeta tripela mun bihainim prais bilong ol kampani i save salim fiul, wantaim pe bilong trenspot insait long kantri.

Olsem na taim ol i bungim olgeta kos, dispela lista bai soim ol fiul prais i ken i go antap long wanem mak insait long Pot Mosbi, stat long 8 Ogas, 2013. Ol ritel prais bilong olgeta senta long kantri bai senis wantaim narapela kos bilong ol lokal trenspot i go antap tu.

Ol opisa bilong komisin bai i wokim sekim ol sevis stesin stat long las wik, 8 Ogas 2013, long lukim ol i mas salim ol fiul long prais we gavman i tok orait long en. Dokta Manoka i tok long ol fiul saplaia i mas makim prais bilong ol long ol prais mak bilong mun Ogas yet. Ritel Prais bilong fiul long Pot Mosbi long toea long wanwan lita i sanap olsem. IPP bensin 198.0870 (tpl), disel 203.2735 (tpl), kerosin 198.3688 (tpl).

Domestik freit (sip na kar) bensin 61.00, disel 6.00, kerosin 0.00. Holsel Majin, bensin 12.20, disel 13.16, kerosin 12.74. Ritel Majin, bensin 35.8, disel 35.8, kerosin 35.8. GST (10%) pesen, bensin, disel na kerosin 20.7 pesen.

Ritel prais long dispela mun; bensin 360.57 (K3.61), disel 306.83(K3.07) kerosin 294.37 (K2.94). Ritel prais long las mun; bensin 352.03 (K3.52), disel 298.59 (K2.99), kerosin 285.20 (K2.85). Prais Veriens (+/-) toea long wan wan lita, bensin 8.54 tpl, disel 8.24 tpl, kerosin 9.17 tpl. Pesen bilong senis; bensin 2.43 pesen, disel 2.76 pesen, kerosin 3.22 pesen. [WantokNiuspepa]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us