Home » , , , , , , , » Paulias Mantane : PNG i Lusim Pasin Kristen

Paulias Mantane : PNG i Lusim Pasin Kristen

MADANG - PNG i kamap nao wanpla kantri em i lus tingting long pasin Kristen. Displa ol toktok ibin kam long man husait ibin Gavana Genral bifo, Sir Paulias Matane bihainim iet ol toktok bung blong lukluk gen long Mama Loa oa Konstitusin blong kantri.

Insait long Mama Loa blong kantri, ol lidaman husait ibin sidaun bung na paitim toktok long Konstitusin blong kantri ibin luksave olsem em i wanpla Kristen kantri na, ol i raitim insait long Mama Loa.

Tasol insait long displa ol yar ikam go pinis, displa ol askim i wok long pairap sapos PNG em i wanpla Kristen kantri oa nogat.

Displa mun September, Papua New Guinea bai makim 38 yar indipendens blong en tasol, foma Gavana Genral, Sir Paulis Matane itok 'igat planti samting i rong long kantri blong yumi."

"Olgeta samting em i un-christian, minim ol ino stap ananit long kristen valu. Planti rong i kamp long planti planti pipol," em ibin tok.

Sir Paulias Matane ibin hap blong sampla spika long toktok igo long ol sumatin blong Divine Word University long Madang long mun August.

"Ol displa samting olsem korapsen, mi harim planti toktok longen, pait, pamuk nabaut na bikpla wari mi harim, em long 'incest', femili memba i silip wantaem narapla femili."

Sir Paulias Matane, husait ibin holim wok blong Gavana Genral long June 2004 igo nap long em i pinis long December 2010.

Em i tok ansa long displa ol wari na ol toktok, em i stap long papa mama long stiaim rot blong ol pikinini blong ol.

"It is the responsibility blong papa na mama, bai ol i skulim gut ol pikininini blong. Tude igat planti buruk marit, na ol pikinini ino gat displa sapot long laif blong ol," Sir Paulias i tok. [RedioAustralia]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us