Home » , , , , , , , , , , » Peter O’Neill : Populesen Salensim Siti Divelopmen

Peter O’Neill : Populesen Salensim Siti Divelopmen

POT MISBI - Praim Minista Peter O’Neill i tok bisnis long kantri i gor na mekim planti winmani tasol long wankain taim, populesen long siti na taun i groa go antap tru na givim bikpela salens long gavman long i stretim infrastraksa we ol pipel i ken kisim sevis.

Mista O’Neill i tok ikonomi bilong kantri i groa na gavman bai putim bikpela milien kina moa long stretim ol infrastraksa divelipmen long ples we i gat bikpela populesen.

Mista O’Neill i tok ol pipel i ken go long taun na siti long mekim bisnis na ken raun long kainkain wok bilong ol. Gavman i nonap stopim. Em I tok wok bilong gavman em long stretim sevis long taun na siti long ol pipel ken amamas. Mista O’Neill aste I mekim dispela tokotk long Mosbi.

Em i tok moa pipel nau i wok long go long taun na siti na dispela i putim bikpela hevi long gavman long stretim planti sevis. Mista O’Neill i tok ol pipel long Papuan Niugini i gat rait long muv i go long taun na siti. Na em wok bilong gavman long stretim ol besik sevis olsem gutpela rot, helt, wara saplai na loa na oda long mekim laip bilong ol isi.

Praim Minista O’Neill i mekim dispela toktok long graun breking seremoni bilong nupela K54 milian siti hol bilding bilong NCDC long Mosbi. Mista O’Neill i tok bisnis long PNG i groa go antap na winim arapela Pasifik kantris. Mista O’Neill i tok bikpela populesen bilong taun na siti stap long ol setElmen we nogat gutpela wara,pawa, haus na wokman nogat inap mani long baim rent.

Em i tok gavman i luksave long dispela na tok bikpela divelopmen i stat long kamap nau long stretim ol dispela hevi long helpim sidaun bilong ol. Long wankain taim gavana bilong NCD, Powes Parkop i tok populesen bilong Pot Mosbi siti i winim moa long 1 milien.

Gavana Pakop tok gavman i lukluk long tanim planti setelmen long siti i kamap sabeb na givim taitol long ol pipel.

Mista Pakop tok em bin toksave pinis long Lens dipatmen long makim graun long 8 mail long givim taitol long ol pipel ken mekim gutpela haus na kisim gutpela sevis bilong rot, wara na pawa. Mista O’Neill i tok populesen long Mosib, Lae, Hagen na Kokopo i groa bikpela.

Em tok gavman bai apim mani long divelopim ol dispela siti na taun go bikpela. Mista O’Niell i tok gavman bai putim mani tu ol arapela taun long kantri long mekim go bikpela. Long wankain taim Praim Minista i tok gavman long namba wan taim tru i givim bikpela milien kina long mekim wok divelopmen. [WantokNiuspepa]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us