Home » , , , » Polehau Popelau long Manus, Kamap Namba Tu long 3rd Pacific Triathlon Championship

Polehau Popelau long Manus, Kamap Namba Tu long 3rd Pacific Triathlon Championship

POT MOSBI -Narapla yar blong resis long wilwil, swim na ron i pinis wantaim tupla Papua New Guinea i winim nambawan na namba tu trofi. Polehau Popelau i kamap namba tu displa yar resis. Em ibin winim kanu reis long Pokawins Cup long Manus we ol i makim em long trai long Triathlon and Cycle Championships long Port Moresby.

Wanpla long ol pipol i putim mak blongen long namba tri Pacific Triathlon and Cycle Championships long Papua New Guinea kepitol long wiken, em long Manus man, Polehau Popelau.

Man ibin winim dispela resis blong 2013 ibin go Lee Ressmussen blong Papua New Guinea. Marianne Elkington blong Cairns i kamap namba 3.

Displa win blong Papua New Guinea nao i min olsem PNG i stap namba wan, Guam namba tu, Fiji namba tri na Solomon Islands ikam long namba foa. 

Wanpela long ol cyclist blong Papua New Guinea Polehau Popelau i tok kamap blongen long dispela resis i kamap long strong blongen iet.

"Mi wan save trein, mi wan save cycle na suim, mi save treinim mi eit long ples."

Long Port Moresby nao, long redim displa bikpla Pacific resis, mi joinim Port Moresby tim na joinim treinin blong ol."

Polehau Popelau i makim planti Papua New Guinea pipol, husait i laik mekim neim blong ol iet insait long sport blong ol, long iusim save na strong blong ol long winim sampla kaen luksave.

Long neks yar Triathlon resis long Guam, Polehau Popelau i tok, "mi mas go bek long treinin na putim bek neim blong PNG long hap," em ibin tok. [RedioAustralia]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us