Home » , » Wok Painim Bai Kamap Long Namah

Wok Painim Bai Kamap Long Namah

POT MOSBI - Tasol Oposisen lida Belden Namah i tok  Praim Minista Peter O’Neill i bin  raitim wanpela pas long Me 13 2013  na givim dareksen long Mista Polye na Mista Marape long baim bikpela milien kina long lo kampani.

Mista Namah i tok long daireksen leta bilong praim minista, Mista Polye na Mista Marape i go het na givim daireksen go daun long seketeri bilong Fainens na Tresari na K71 milien i bin kam aut.

Mista Namah i tok em i gat evidens na putim komplen long Pols Fraud Skwad long Anti Korapsen long mekim wok painim long dispela hevi. Em tok ol polis i no asua long kisim oda bilong mekim arest long Mista O’Neill, Marape na Polye. Praim Minista O’Neill i tok em i no sainim dispela pas bilong daireksen we Mista Namah i putim komplen.

Em i tok ol narapela korap lain i bin kopim signeta bilong em stap long nem bilong em antap long pas.  Em i tok Tas Fos Swip i mekim wok painim yet na sampela lain i bin arest pinis long dispela.

Mista Namah i tok sapos Praim Minista O’Neill i no raitim pas long Marape na Polye na givim tok orait long baim, Fainens dipatmen bai no inap baim K71m long Paraka loya. Em i tok em  bai pait yet long dispela hevi bikpela pablik mani long milien kina i lus long pasin korapsen.

Mista Oneil i tok kain pasin bilong Mista Namah long go long rot i no stret na kisim kot oda na laik arestim ol biknem gavman minista na praim minista i givim nem nogut long PNG. Em i tok dispela pasin bai bagarapim intres bilong ol investa i laik mekim bisnis long kantri. [WantoksNiuspepa]

0 comments:

Post a Comment

KIRIM ARSIP

Silahkan kirim arsip berita anda ke berita@papua.us